Auteur : protosbuyahoofr

Mu bitaro no mu mavuriro yo mu Rwanda hakomeje kuvugwa ubwinshi bw’abarwayi batinda kuvurwa cyangwa kwakirwa.Urajya i Kibogora,ugasanga baruzuye.Wagera i Kabgayi,ugasanganirwa n’uruhiriri rw’imirongo y’urujya n’uruza.Wakwerekeza CHUK, ugakubitwa n’inkuba mu bitaro by’ikitegererezo (Universitaire).

Si aho gusa, kuko no mu Bigo Nderabuzima cyangwa kuri za Poste de Santé naho ari imbuto yeze.Ni aho gushishoza. Ubwo bwinshi bushobora kugaragaza ibibazo byugarije abaturage n’amavuriro.

Ubukene bw’amavuriro

Byaba ibitaro bikuru cyangwa amavuriro,barataka imyenda agahumburi batishyurwa.Nk’i Gahini ho ngo ni ah’Imana n’amasengesho!Biteye agahinda. Ahenshi ntibafite ibyumba bihagije byo kwakira abarwayi(salles de réception). Hakiyongeraho rero n’umubare muke w’abakozi ndetse n’ibikoresho bidakwiye.

Ibyo bibazo byose iyo byikubiseho ubukene bw’amafaranga, ibintu bihumira ku mirari.Abakozi batashoboye guhemberwa ku gihe,imbaraga zo gukora bazazikura he?Niba nta gahimbazamusyi bakibona kandi ingasire itahagaze,umuyobozi azabigenza ate?

Abadafite Mitiweli yuzuye mwitahire

Hari n’aho abarwayi barara bicaye ku ntebe zo mu bitaro ngo babashe gufata nimero bukeye bw’aho.Abandi bakarambarara hasi bategereje ibisubizo by’ibizamini.Ahangaha ntawashidikanya ko ikibazo ari imikorere n’imikoranire ya services zishobora kuba zigongana(faute d’organisation ou problème de dysfonctionnement).

Rimwe na rimwe abaganga biba byabarenze.Ni bwo muganga mukuru yiyizira, ati « Abadafite Mitiweli yuzuye mwitahire » . Abujuje bakajya babona aho bicara.Naho abibwiraga ko baboneraho uburyo bwo kubaca mu rihumye, bakumirwa, ngo abaganga b’ubu ntibakigira imbabazi;babaza amafaranga mbere yo kureba imbabare?

Abarwayi ntibihangana

Abagana amavuriro n’ibitaro barakangutse.Biratangaza kumva umuntu agereranya servisi zo kwa muganga n’izo muri banki (Sacco) cyangwa ku Murenge.Abifite ku mufuka ntibaba bakiri ba barwayi bihangana(patients),babaye ba baguzi basanzwe(clients).

Bamwe mu baganga babiteye imboni babandikira imiti n’impapuro zibiherekeza bakabohereza muri Clinique na Pharmacies bafitemo imigabane.Ngo n’ubuzima bw’amakoperative na bwo ni ngombwa! Ntawabura byose.Nibura bakabona aho bifatanyiriza n’abandi kuririmba ngo Koperative zirunguka!Ako kanyungu kagatuma baguma ku kazi basabye.

By Nshizirungu Aminadab,Rwamagana

Hirya no hino mu Turere dutandukanye tw’u Rwanda,ubu hera ibigori bimeze neza kandi ku bwinshi.N’iyo bikiri mu murima biba bishamaje. Byasarurwa bikaba ibindi.Si ukubirya kakahava!

Byaba byokeje cyangwa bitetse,ibigori ni Mugorentunsige. Ntibigora ku itabaro.Haba mu modoka cyangwa mu murima, ubitamira ugenda ntibikubuze no gukubita isuka.Umwana na we iyo acyeguye arwana na cyo ntiyongera kurira.

Nyamara burya si ku busa bimerera nabi abanyagifu.N’ubwo umuntu abikubita amaso amazi akuzura akanwa,byifitemo ibinyamyunyu(acides gras) bitagwa neza umubiri w’umuntu.Ahandi babihinga nk’ibiryo by’amatungo.

Twandika ibi,ntituzinduwe no guca intege abo bitera akanyamuneza, bakabyiririrwa bakanabirarira.Hari n’ubwo aba ari byo biboneka ku bwinshi kandi bihendutse.Aha birumvikana ko ntawabireka kandi ari byo yejeje byonyine.

Nanone ariko hari uwakwibaza niba kuvuga ko bitera gusaza imburagihe hari aho bihuriye n’amabwiriza yo kubihinga ku bwinshi aherekejwe n’amategeko abuza kubirya binyuranyije n’amategeko.Nawe se,nko kuva mu mwaka wa 2011, ngo nta muturage wemerewe guca cyangwa kotsa ikigori! Amategeko nk’aya ari mu Mirenge itari mike:

Biragaragarira amaso ko aya ari amategeko y’uburyo bwo guhingira isoko no kurengera umuhinzi!Ni ukuvuga ko ibigori bigomba kuribwa n’uwabihashye.Ubutaha hazajyaho amategeko y’uburyo bwo kubirya(loi de la consommation)burenze kubyotsa no kubijyana mu isoko(gukoramo amavuta yo kurya no kwisiga,inzoga zikaze,ibisuguti..).

Ntawahirahira ngo yirengagize akamaro k’ikigori kandi gikize ku ntungamubiri nka calcium,magnésium,fer na zinc umubiri ukenera mu kwiyubaka(croissance).Nyamara nk’uko tubikesha ikinyamakuru  passeportpsante.net, ngo ikigori nanone gikungahaye kuri « acide phytique » yizingira kuri izo ntungamubiri ikazibuza gukwirakwira vuba mu mubiri, aribyo bituma uruhu rukomera aho koroha.Ibi bikaba byiza ku matungo aba agomba gutanga umusaruro vuba.

Bityo,abarya ibigori cyane kandi kenshi(byaba sirop,amavuta y’ibigori,ubugari…)barakomera ariko bagakenyuka vuba kuko bataramba(ni accélérateur de vieillesse).Ni aho kubirya mugereranya(avec mesure et modération).

By P.B

[NDLR: More and more, the University is becoming the front door of life. Even so, the campus is not available to poor. The majority get into debt in order to have access to it. At the end, the country is plenty of unemployed Masters or PhD. In the truth, it is a dangerous army pointed to all. Who will win?]

It is no secret that traditional institutions of higher education are struggling in the pro-business economy of the 21st century United States. Universities must ever seek new lines of revenue, administrations must ever hire new administrators to help find said revenue, and the easiest way to decrease cost is often to hire more part-time (adjunct) professors.

Daily Theology asks, amid the struggles, amid the building projects and NCAA scholarships, amid the growing class sizes, can we still find the mission of a Christian university? If so, what is that mission, really? And what are we doing to fulfill it?
– – – – –

From February 21-28, consciously both deep in the season of Lent and during Black History Month, Daily Theology will host its 8th week of reflection, entitled “University as Social Force? Protest and Activism in Academia.” The title of the week comes from the theologian and priest, Ignacio Ellacuría, who was assassinated by US-trained operatives in 1989 alongside five other Jesuits, their housekeeper and her daughter, in El Salvador.

Seven years prior to his murder, upon receiving an honorary degree from the University of Santa Clara in 1982, Ellacuría said:
There are two aspects to every university. The first and most evident is that it deals with culture, with knowledge, the use of the intellect. The second, and not so evident, is that it must be concerned with the social reality–precisely because a university is inescapably a social force: it must transform and enlighten the society in which it lives.

But how does it do that? How does a university transform the social reality of which it is so much a part?
Ellacuría answers his question with a call for the Christian university, for the Catholic university, to embrace “the reality of the poor,” taking into account “the gospel preference for the poor.

This does not mean that only the poor will study at the university; it does not mean that the university should abdicate its mission of academic excellence–excellence which is needed in order to solve complex social issues of our time.

What it does mean is that the university should be present intellectually where it is needed: to provide science for those without science; to provide skills for those without skills; to be a voice for those without voices; to give intellectual support for those who do not possess the academic qualifications to make their rights legitimate.”

….What does it mean to be centers of social change on campus today? How does activism and protest fit into this model?
– – – – –
Source:the-university-as-social-force

Mu bice bitandukanye by’igihugu hamaze iminsi havugwa Malariya ikabije.Mu mwaka wa 2015 wonyine,abantu hafi miliyoni ebyiri (1,957,000)yabagezeho.Abo yahitanye ni 424,mu gihe bari 499 muri 2012.

Abahera kuri uko kugabanuka mu mibare y’abapfuye, babona malariya itariyongereye ahubwo yarabuze abayirwanya.Uko kubura guterwa n’imikorere mibi y’inzego hafi ya zose z’ubuzima.Ngo ni yo mpamvu Polisi yahuruye.

Uretse no kutagira Mitiweli cyangwa ubwishingizi bituma abaturage bativuriza ku gihe, bamwe bavuga ko inzitiramibu zibabuza umutekano kuko zituma badahumeka neza nijoro.Bahitamo kuzimanika mu madirishya aho kuziryamamo.

Ese Polisi izakora iperereza ngo imenye niba hataratanzwe inzitiramibu zitujuje ubuziranenge bikazagira ingaruka zikomeye ku buzima bw’ejo h’abo baturage?Birashoboka, kuko itahagarariye ku bitaro byayo byo ku Kacyiru gusa. Ngoma,Ngororero na Huye ntiyahatanzwe. Ngo abaturage badafite ubuzima nta mutekano baba bafite.

Abashoferi babonye ukuntu iki gikorwa cyakorewe ubuntu, bacyakirije yombi.Ngo bizeye ko n’imihanda itagiraga ibyapa igiye kuboneraho bigashyirwaho ku buryo Polisi itazongera kwishimira guca amafaranga gusa aho kongera ibyapa biburira.

I Huye, umuturage yafashe ijambo ashimangira ko mu Rwanda ntawavuga ko Malariya iteye ibwoba.Nibigera kuri urwo rugero,ngo n’abasirikari bazatabara nk’abaje gukumira igitero cy’iterabwoba. Icyo gihe abapolisi bazongera imbaraga mu kunoza umutekano wo mu muhanda.

By P.B

Iterambere riragwira!N’abakecuru bazi Paparazzi.Muti gute?Nyirakamana yabanaga n’umwuzukuru we Shumbusho.Uyu Shumbusho akaba yiga muri ya mashuri makuru agezweho yitwa Nayini(Nine).

Ejo bundi hashize yageze mu rugo inkoko zitaha.Kaka amubaza niba yahuye na se bagatinda baganira.Shumbusho ati « Mukecuru ga burya,abagabo muri wikendi aba ari paparazzi;bagenda nk’imirabyo ntawe urabukwa,nta n’umenya inzira zabo keretse witwaje kamera ».

Nyirakamana aba yaritaye mu gutwi. Ati « Ngaho ongera inkwi mu ziko,nurangiza ujye kunzanira utuzi.Niriwe mpagaze kuri ririya vomo,none narushye;navuyeyo nikoreye amaboko;wowe baragutinyira ibyo bigango.Najye ngiye hirya aha kwa Vesitina, ndaje,sintinda. »

Muri ako kanya aba arasimbutse.Abana bamwakiriza yombi kuko bamukundira ibiganiro bye bihora ari bishya.Ataranicara neza aba aratangiye,ati « Abandi ko badakoma se Vesti,Paparazzi yaje ryari avuye mu matora? » Bose bibanza kubacanga. Ahita akomeza ati « Njyewe numiwe! Mwabonye uko abagabo bose biyamamazaga bari bifumbase naho abagore amaboko ari inyuma mu mugongo? »

Vestina ati « Sinari namenye ko ari papa Roza wavugaga!Yewe, ni ahandi yerekeje,naho ibya bene ariya matora twe twabishingutsemo. Niba ari amafaranga bazayaduce,ariko tutiriwe duteze agahanga ku zuba. »

Nyirakamana ati « Burya Vestina nawe ntuzi ibigezweho!Ntiwari uzi ko abagabo bose ari paparazzi ku buryo kubashaka ari ukwitwaza kamera?! »Abana na bo bati « Kweeee!!Abakubwiye ibyo barakubeshye, Mukecu!Reka tubaze Ayipadi nawe wiyumvire ukuri! »

Na we ati « Ibyo kubaza padiri nimubyihorere,ejo nari nibereye mu misa.Naramwiyumviye avuga ko ababajwe n’amakuru amugeraho y’uko abagabo bashize basuhuka kubera inzara. Ngo n’abakozi ntibakibona ubakopa!Yewe,mbiswa nitahire njyewe utamugira, hato ntasanga na twa dushyimbo twanjye batwikoreye! Muramuke simbiriyeho. »
By P.B

Virus ya Zika iterwa n’umubu wo mu bwoko bwa Aedes.Ubu bwoko na bwo bwigaragaza ku buryo bwinshi bitewe n’imiterere y’aho umubu urumbukira.Iyiganje cyane ni ibiri mu bice bitandukanye by’isi.
a)Mu bihugu bishyuha(régions tropicales):
Mu bihugu birangwa n’ubushyuhe buri hagati ya 20°-30°C cyangwa zirenga,hibasirwa n’umubu witwa Aedes aegipti.Wororoka no mu bice bitari amashyamba ya Afurika kandi ntupfa guhitanwa n’imiti yica utundi dukoko(insecticides).Ntutangwa ihene, intama, impala, inzovu cyangwa imvubu.

Kimwe n’izindi Aedes nyinshi,umubu w’ingabo nturumana, nta n’ubumara ugira.Ingore ni yo igendana ubwo burozi.No mu miterere biratandukanye.Uw’ingabo urarambuye bihagije(iriya 2 ihagaze) naho uw’ingore ni mugufi ukagira n’akada gatukuye cyane.
b)Mu bindi bihugu nk’Uburayi:
Mu bindi bihugu bigira igihe kinini cy’ubukonje,hagaragara umubu wa Aedes albopictus utera amagi iyo hatangiye gushyuha(mai-novembre).Uyu mubu uboneka no mu mijyi ikomeye aho utera amagi mu mazi yaretse mu bikoresho nk’ibikombe by’indabo cyangwa by’imitako,mu mapine,mu bintu bya plasitiki kimwe n’imirereko itamena amazi neza.

Uko hashyushye ni ko utera magi menshi kandi niko uramba.Utera amagi 74 mu minsi 4,ukabaho iminsi 29 ahari ubushyuhe bwa degré 25°C,n’iminsi 32 ahari ubwa degré 30°.

Ikiwutandukanya na Aegipti ni amaguru yawo afite amabara y’umweru ukeye mu mukara mwinshi.Ni nacyo gituma witwa moustique-tigre.
Mu kwanduza(transmission),uw’ingore uruma ibinyamabere (mammifères) cyangwa ibiguruka(oiseaux)ushaka amaraso yo gutunga ibyana byawo(laves).Aho ukuye amaraso uhohereza amacandwe yawo(salive)yivangira n’amaraso mu mubiri w’icyarumwe akarema virus.

Ni bwo abantu n’inyamaswa bashobora kwanduzanya (vecteurs)barumwe n’umubu umwe cyangwa myinshi.
By B.P

Bamwe umunsi mukuru w’Intwari bawusoreje mu bitaro. Mu gicuku cy’uyu wa mbere tariki ya 1 z’ukwa 2, mu Murenge wa Ndera ntibasinziriye. Ngo abantu bitwaje intwaro za gakondo n’amatoroshi adasanzwe bahutse mu baturage baratemagura.

N’ubwo inama z’umutekano udasanzwe zakajije umurego mu midugudu no mu Tugari, ubwoba ni bwose mu nzego zinyuranye. Turibaza icyo bihatse bikatuyobera. Uretse abafatwa ku bwinshi bakekwa, ikibazo ni kimwe ku barokotse jenoside: ya mipanga ko igarutse turajya he?

Aho si abacunze icyuho cyatewe no gucunga umutekano w’imikino ya CHAN?Twizere ko birangirira aha ntibyadukire n’indi Mirenge. Wabona bari kubashakira hafi bimukiye ahandi. Tubitege amaso. Nitumenya neza amakuru y’inkomere tuzayabagezaho.

By Gakuba Ganza Andrew, Kigali

Byaravuzwe ko « Abambere bazaba abanyuma ». Abazayirwa n’iyonka,bari babukereye. Baje basinyiye kugaragaza ko ibyo ari ukuri. None koko bibaye impamo!

Abakinnyi batozwa n’umwongereza(Mackinstry) ntako batagize.Abatozwa n’uwo bavuga rumwe kandi ubazi neza(Ibenge Florent),kapiteni wabo umupira awukomeyeho.Ngo Intego ntikuka: « Songa mbele tuu »

Ku ruhande rw’u Rwanda,abafana na bo bamanitse amaboko nta guhumbya.Ariko byanze biba iby’ubusa.Ku munota wa nyuma,Ingwe zatangatanze,Amavubi aba aguye ruhabo.Ikipe yari iya kabiri mu itsinda ryayo ikuyemo iya mbere!

Kongo rwose yikomereje  muri 1/2 nta mususu. Kuva icyo gihe,haba i Kigali cyangwa i Kisangani,ibyishimo ni byose. Ngo Imana yerekanye ko itagitaha i Rwanda.

N’ubwo Amavubi atsinzwe, ngo « si urw’umwe » .Na Cameroun ni ko biyigendekeye.Yari iya mbere, none Côte d’Ivoire yazamutse ku mwanya wa 2 irayandagaje,iyitsinze icy’umutwe:3 kuri 1! Rizaba isomo kuri Ruhago se?

Ubakurikiranira imikino,
Kamayirese Sandrine,Kigali