Inyenzi 26 zashajije umusore!

Burya umubiri ubika byinshi.Umusore w’imyaka 19 yamaze igihe kinini amatwi amurya bitavugwa.Bigera n’aho atangira kumva ibisa n’ibivumvuri byiruka mu matwi.Ubwo n’umutwe ntiwari umworoheye.

Uwo musore w’Umushinwa yagiye kwa muganga.Iyo biba nko mu bihugu bimwe na bimwe, bari guhita bamuha ibinini by’umutwe agataha.Umudogiteri we, yemera ko utavura ikintu utazi.Yabaye akimugeza ku isuzumiro akubitwa n’inkuba.

Uburyaryate mu gutwi kwa Mr Li ntibwavaga ku busa.Inyenzi agahiryi zari zarafashemo ibirindiro.Ngo iy’ingore yari yaramaze kwarikamo, itereramo amagi 25.Izi nazo ntizatinze kuvuka.Nguko uko inyenzi 26 zashajije umusore.

Iyo atajya kwa muganga ubishoboye,yari kwiruka ku musozi bakagira ngo ni ibisazi cyangwa ngo ni ibindi bibabazo.Mu bice bimwe(byo mu Rwanda)ho bavuga ko ari amarozi.

Na we ariko ngo zacukuyemo imyenge itazamusiga amahoro.Abaganga ntibazi neza niba uko gutwi kw’iburyo kuzongera kumva neza nk’ibisanzwe. Cyakora zo yarazikize.

Niba uhorana umutwe udakira, n’amatwi ntaguhe agahenge birakwiye kwegera muganga wagufasha gushaka ikibitera aho kukuvura uburyaryate gusa.

By P.B

Auteur : protosbuyahoofr

Prêtre amateur de Philosophie politique et de Philosophie économique autant bien que du Droit de la Santé,je suis révolté par la misère de certains peuples vivant sous le seuil de la pauvreté.Ces questions me préoccupent: Pourquoi sont-ils dans cet état(de pauvreté)?Y a-t-il un moyen d'en sortir pour parvenir au bien-être atteignable?N'ont-ils pas droit au bonheur raisonnable?Mon doigt et mon regard se focaliseront sur les causes tandis que mon cœur méditera sur les actions susceptibles d'amélioration. Portant le même souci de nous informer sans polémiquer,nous ne tairons pas nos droits inaliénables ,car les devoirs s'imposent à nous.Dans cette voie,je compte sur vos commentaires et vos témoignages pour plus de lumière. P.B