Catégorie : Non classé

Njyewe nawe(séries):8.Igitinyiro

Ikiriza ijisho ntikiba gito
Nk’umumaro wa kirazira.
Wakwirengagiza akamaro k’akadomo
N’umwanya wako hagati y’interuro ?
05.Ibintu byose bigira iherezo
Kandi ubwabyo ari n’ihurizo.

Narebye inzuki ndetse n’inzukira
Nitegereza icyo zicyesha umukiro
N’inkomoko y’igitinyiro
10.Kitagera hose ngo kizibere.

Inzuki zirakundwa zikanatinywa
Inzukira bakazibukira.
Ntibyaba biterwa n’aho zitaha ?
Haba hamaze iki ntakirimo ?
15.Mu muzinga abuzemo ubuki
Umuvumvu yakunda izo nzuki ?

Hehe no kurabukwa ubwiza bw’indabyo
Zikesha umushyikirano n’inzuki.
Ntawe ubitekereza azitegura
20.N’iyo azibonyeho arazihuta
Akazihungura akazihuha
Zaba nyinshi akazihunga.
Ntizimuvirira zitamudwinze
Zikamucengezamo urubori
25.Zigata ubuzima zitabaara.

Inzukira zo ziratumuka
Nta huriro nta n’intaho
Ni nk’umuyobozi utakiburamutswa.

Ufite ubutegetsi agira igitinyiro
30.Bakamutegurira ibyotezo
Bakamurata bakamutaka
Akanyungutira icyo cyubahiro
Mu ndirimbo z’urwiririza.

Ntukabone yabuteshejwe
35.Ategereje icyuhagiro.
Aho yageze bamuha impundu
Ahahurira n’induru
Z’abamurwaniraga inkundura.

Nta nkunze nta n’ukuzi.
40.Iyo wugarijwe n’iyo miziro
Uwapfukamaga arahaguruka
Uwaguhekaga agata imijishi
Uwagutinyaga agatinyuka
Kugukoza agati mu jisho.

45.Umujinya ntacyo uba ukimaze
N’amarira si igisubizo
Cy’ibibazo utigeze wibaza.
Ibumoso cyangwa iburyo
Ntukibifitiye uburyo
50.N’abandi babonye ibiryo.
Iguye igerwa amahembe
Ba nyirayo ntibahunge igihombo
Gahoro gahoro bakegama iruhande
Nta n’utuzi aho ku ruhimbi
55.Rw’abakuriye mu muhimbo.

Uwari Koroneli barakurubana
Kaporali akamwicara ku matwi
Ibyegera bigata umutwe
Abari kure bati nimwumve
60.Ibyago bisangiwe uko biryoha
Twebwe byatubereye ifunguro
Ubwo mwatugiraga abanyabyaha
Baryoherwa n’ibyahi.
Ngiyo ya nzira itabwira umugenzi!
65.N’uwahaciye yigenza
Biramucanga bikamurenga
Ntabe akigize ikirenga.

Abamukuriraga ingofero
Na bo bagakuraho agahu
70.K’agahari gahabwa agahini.
N’ako ni agahinda
Katagutereza impinga.

By P.B

La grâce de l’appel

Ce quatrième dimanche de Pâques est dédié à la prière des vocations.Le thème retenu est: « L’Église,mère des vocations ». Pourquoi au pluriel? Parce qu’il s’agit de la vocation à la prière et de la vocation à la mission.C’est ce qui ressort de la première lecture(Actes 13,14.43-52): « …Paul et Barnabé parlant avec eux(les convertis)les encourageaient à rester attachés à la grâce de Dieu ».

Il faudra de l’encouragement,car, dans chaque vocation(maritale , religieuse ou professionnelle),la jalousie et l’agitation ne manqueront pas d’envahir les cœurs même des gens qui adorent Dieu et des notables de la cité ou de l’entreprise, de la paroisse ou de nos clochers.

Il est donc important, pour chacun ,de découvrir la grâce de l’appel.Aussi souhaité-je vous partager ces quelques vers:

Ton appel Seigneur
Est un perpétuel réveil.

Il revêt l’homme de tant de grâces
Pour qu’il se déplace vers sa place.

Tu t’es approché de lui
Moyennant son oui
A ton appel qui le réveille
S’il ne bouche pas ses oreilles.

Cela affermit son espoir
De te rejoindre un jour agréable
De séjourner et te voir
Dans tes demeures ineffables.

Conscient de sa petitesse
En face de ta bonté magnanime
Il pense à ta volonté
De valoriser comme richesse
Les différences qui l’animent
Dans ses relations avec l’autre.

Cet autre qui est à considérer
Comme un frère aimable
Avec qui manger à la même table,
Un frère à soutenir dans le malheur.

Un frère avec qui vivre ensemble,
Un frère
Avec qui se réjouir dans le bonheur
Avec qui coopérer et collaborer
Pour élaborer un avenir meilleur.

Un frère
Qui n’est ni un ennemi à honnir
Ni un ennemi à clouer au pilori
Ni un ennemi
A chasser à belles dents
Ni un ennemi
A souhaiter la disparition
Ni un ennemi indésirable
Comme un chiendent.

Oui ! Ton appel
Réveille et interpelle
Chacun à vivre dans la vérité
Pour que ceux Tu appelles
Dépassent leur incrédulité
Et passent de leurs chemins iniques
Vers le Chemin du Père unique.

Ceux qui veulent approfondir le message de  cette journée,ils peuvent lire aussi l’Évangile(Jean 10,27-30).

Je vous souhaite un bon dimanche, là où vous unissez toutes vos prières.

By P.B

Njyewe nawe(séries): 7.Akumiro

Impuruza ya Muhabura
Hari abo yataye Ruhabo.
N’ubwo abarinzi b’iyo Ngoma
Bariho kandi bahoraho
05.Ntibizabagwa ubuhoro
Bararushye uwa Kavuna ;
Itabaro ryabagize inkomere
Bahigikwa bagifite inkovu
Ngo ni uko baturiye I Kivu!

10.Uwahawe umukoro
Wo guheka umukore
Iyo agororewe kunama
Yegereje ikivi
Ubuzima buba akumiro
15.Ahateguriwe abakungu
Hagacanirwa inkungu;
Ntawe uba akimugira akanama
Ngo nta mahuriro n’inkunguzi
Zitahira iy’Ibisumizi.

20.Ye Rwiririza rwa Sibo
Mu bisabo biresa ibisebo
Hazasubiramo isa?

Ugeze kure ntabura ikirego
Nta n’umubonera ikirago;
25.Bibuka isezerano
Batera indirimbo
Zo kumusezeraho
N’indabo ku irimbi
Batonze umurongo
30.Amarira ari ngayo
Atagira uko angana:
Isasire uberwe
Usize rurese!

Bakarenzaho utwondo
35.Dukora ikirundo
Nk’uwari ikirumbo.

Uwo bapfuye agasoni
Basunikiraho ka sima
Bagafunga bagahamya
40.Ngo umuzimu utazabahama.

Ngicyo icyicaro cy’ivuriro
Ry’abatagira kivurira!
Hababera ivubiro
Ry’ibyuma bibakingira
45.Icyangiro n’ikiziririzi.

Mbe Sano ya Rugina wazize iki
Ko batakikuvuga mu izina?
Ntacyo mbaye ntacyo ndeba
Uko meze kose birabareba.
50.Nta gupfana ubworo kirazira
Warageze I Songa na Kibirizi!

Urambiwe amazimwe
Yitahira kare
Adashungerewe n’abadamazera
55.Yiyambariye wa mwenda wa Adamu.

Natagera n’imuhira
Icyo yishakira ni amahoro
Kure y’abamwanga uruhenu
Mu bipangu byo kwa Mpanguhe.

60.Ubwo n’imva isigaye ihenda
Azasiga n’imyenda
Abuzukuruza bazishyura
Nk’abasangiye umuruho.

Koko ugiye aba yihuse
65.Ntazatinda kwibagirana
Na ya mazina agasibama
Ngo nta nkuru nziza iba ikuzimu.
Hirya hariya  bagasigara baseka
Ngo genda rwiza nawe wote
70.Kuri wa muriro waducaniye iteka.

By P.B

Barabivuze(ibitekerezo by’abafilozofe):1.Marc-Aurèle

Sans avoir écrit des livres,la vie peut avoir fait de toi un philosophe!Avec ceux qui ont écrit (ce qu’ils ont vécu et expérimenté),tu trouveras ton compte.C’est parti avec Marc-Aurèle.

Homme politique(de 121 à 180) et philosophe stoïcien(accordant plus d’importance aux vertus et à l’instant présent de la vie),Marc-Aurèle a mis la philosophie au service de l’Empire romain.Sous son règne ,c’était la période de la « Pax romana ». Lui, il disait:

  • « Quand tu devrais vivre trois fois mille ans,et même autant de fois dix mille ans,souviens-toi pourtant que nul ne perd une vie autre que celle qu’il vit,et qu’il ne vit pas une vie autre que celle qu’il perd.Par là,la vie la plus longue revient à la plus courte.Le temps présent ,en effet,étant le même pour tous,le temps passé est donc aussi le même,et ce temps disparu apparaît ainsi infiniment réduit.On ne saurait perdre,en effet,ni le passé,ni l’avenir,car comment ôter à quelqu’un ce qu’il n’a pas? » (Livre II,XIV)

  • « N’use point la part de vie qui te reste à te faire des idées sur ce que font les autres,à moins que tu ne vises à quelque intérêt pour la communauté.Car tu te prives ainsi d’une autre tâche,celle,veux-je dire,que tu négliges en cherchant à te faire une idée de ce que fait tel ou tel,du but qu’il se propose,de ce qu’il dit,de ce qu’il pense,de ce qu’il combine et de toutes les autres préoccupations de ce genre,qui t’étourdissent et t’écartent de l’attention que tu dois à ton principe directeur. » (Livre III,IV)

  • « La cause universelle(la nature)agit comme un torrent;elle entraîne tout.Quels êtres vulgaires que ces petits hommes qui jouent les politiques et s’imaginent agir en philosophes!Ils sont pleins de morve.O homme,que fais-tu?Fais ce que ta nature présentement exige.Décide-toi,si tu le peux,et ne regarde pas si on te verra.Ne t’attends pas à la république de Platon,mais sois satisfait du plus petit progrès,et ce résultat,ne le considère pas comme petite chose.Car, qui pourrait changer les principes des hommes?Et,sans changer leurs principes,que leur reste-t-il,sinon le joug qui pèse sur des esclaves qui gémissent et font semblant d’obéir? » (Livre IX,XXIX)

    (Extrait de Marc-Aurèle,Pensées pour moi-même.Manuel d’Epictète,Garnier-Flammarion,Paris,1964 )

A suivre…

By P.B

Njyewe nawe(séries):6.Hari hehe?

Mu rugo rw’umugore
Cyangwa umugabo
Aho umugabo ataraba umugore
Umugore ngo yibere umugabo
Baraakirana mu mubano
05.Bagakirana bigatinda.
Karwera na Rwirungu
Babishyize kuri uwo murongo.

Rwirungu:

Yewe yewe ga Karwera
10.Hari inabi njya mpora numva
Ngashira numva ngakomeza impanga.
Ko uvuga ijoro ryose ntunarangize
Uba wibwira ko ndi impare ?

Karwera :
15.Harya ni njyewe cyangwa ni wowe?
Nyirabayazana abaye njyewe?
Yewe!
Inabi ngira nyiterwa nawe
Niba uyumva ubwo ni ko ireshya.
20.Ko wayinshyizemo mbigire nte ?
Ndode iminwa yanjye n’uru rurimi
Ni bwo uzakunda ibisigaye ?

Sinirengagiza ko bigutonda
Birakwibutsa ngo uzane amazi
25.Kandi urabizi mbanashyiditse
Nshaka uwo ntuma ngo idashirira.

Rwirungu:

Ubivuze ukuri ubwo niko ugabura
Igaburo ryanjye ni imisigara.
30.Reka nsiganuze nk’abana
Ntugire ngo ndarengera
Ni ukurengera rya banga
Ryibagiranijwe n’amashyushyu.

Njye ngera ku meza nkanure amaso
35.No mu gikoni mpaka gishyushye ?
Imigendere nk’iyo ni ukujugunya
Iratunyuranya muri iyi myaka.

Twibukiranye hari hehe
Hamwe twahuriye urya munsi
40.Tukamenyana tukiramukanya
Ku bw’akazina nkaramya Iyera
Nkaba nkangwa n’Iyirabura.

Kuri wowe ho ikibazo si icyo.
N’ubwo ntegereje rya jambo
45.Nka rya rindi ryo mu ntango
Natangara utanyitaje.
Ubwo witoje no kuvugiriza
Utegereje ko ngusabiriza.

Karwera :
50.Mutware nawe menya aho tugeze
Inyuma aho ngaho si aho gusubira
Sinkikugerekaho uwo mutwaro.

Dore yombi narayateguye
Iyo nyiturano ntisanzwe
55.Mu matahiro y’itetero.

Niba utakiri mub’i mbere
Mbarira ibindi ubundi umbabarire
Uri ahandi nturi uwanjye.

N’ubwo twese turi iw’abandi
60.Ku kabindi aho rwahiye
Intama n’umuheha ntibitana
Mu itama rya Muhutamisa
Utaruhuka adashije inyota.

Rwirungu:
65.Karwera sinzi ko ushaje
Byo kuntoza ibyo gushishoza
Cyangwa ngo witware nka Nyirantabwa.

Gira bwangu ukore aho hantu
Agatima kawe ntikahayobewe
70.Hamwe ikime gihora kimerera.

Karwera:

Rwirungu uhorana irungu
Ibyawe byose ni amayobera.
Aho hantu haranyobeye
75.Tuzasubira waramutse neza
Ni bwo umuntu yamenya hari hehe
Aho hantu tudaherutse.

Rwirungu :

Karwera mugore mwiza
80.Ufite umwijuto wo ku mwero
Sinatekereza kugutsinda
No kugusenda uzi ko ntabirota.
Dukubiteho tubiri ubu buracyeye
Icyo nashakaga cyari icyo
85.Kumenya neza hari hehe
Hahandi tunogerwa twembi.


Search Engine Submission – AddMe

By P.B

Abantu ntibakubuza kumvira Imana?

Hari ku cyumweru.Kamali na Clémentine bari biteguye kujya gusenga.Mu gihe batekerezaga guhaguruka,bumva ku rugi ngo kraaa,kraaa!Incuti zabo batari baherukanye ziba zibagezeho zitabateguje.

Bakingura mu nda byanga,ariko barihangana.Baraganira biratinda,basanga batazinduwe n’ubusa.Umugore n’umugabo bari mu nzira zo gusenya kandi ari abantu basenga Imana, abandi bagafashwa.

Nuko babasaba kubasengera mu Izina rya Yezu.Bene urugo barabyemera,barambura Bibiliya basangira Ijambo ry’Imana,bayereka imitima yabo.Barangije barateka, basangira n’ibindi byiza.

Ku cyumweru cyakurikiyeho na cyo nticyabahira.Kare kare Inkeragutabara zazindukiye ku miryango na ba bantu b’utugoma n’utudebe ,ngo zirahururiza inama(zitwa ibiganiro) ku Murenge, yo kwakira abategetsi babagendereye.

N’uwo munsi ntibaba bakigiye ku rusengero.Birirwa mu nama kuva saa tatu kugera saa saba.Bakomereza mu yo mu Mudugu kuva saa saba n’igice kugera bwije(saa kumi n’imwe n’igice).Bataha bitotombera iyo…

Gutinya amande cyangwa inkoni ntibyatuma utera Imana umugongo ariko ugakiza amagara?Ese hari uwahitamo gukora ukundi akabikira cyangwa bikamugwa amahoro?Amasomo yo kuri iki cyumweru yatwongerera inama.Reka dushakire nibura mu rya mbere ryo mu gitabo cy’Ibyakozwe ,n’Intumwa:

« Muri iyo minsi bazana Intumwa bazihagarika imbere y’Inama nkuru.Umuherezabitambo mukuru arababaza ati Twari twarabihanangirije dukomeje kuazongera kwigisha mwitwajero zina,none dore Yeruzalemu yose mwayujujemo inyigisho zanyu.Murashaka rero kuduhamya amaraso y’uwo muntu?

Petero n’izindi Ntumwa barabasubiza bati tugomba kumvira Imana kuruta abantu.Imana y’abasekuruza bacu yazuye Yezu,uwo mwishe mumumanitse ku giti.Ni we Imana yakurishije ububasha bwayo ngo abe Umutegetsi n’Umukiza,kugira ngo aronkere Isiraheli ukwisubiraho n’ibabarirwa ry’ibyaha.Turi abagabo bo kubihamya,twe na Roho Mutagatifu Imana yahaye abayumvira.

Nuko bahamagara Intumwa bazikubitta ibiboko,bazibuza rwose kongera kwigisha mu izina rya Yezu,maze barazirekura.Ngo zive mu nama nkuru,zigenda zishimye kuko zagize ihirwe ryo kugirirwa nabi,zizira izina rya Yezu.(Actes 5,27b-32.40b-41).

<P>Icyumweru gihire kuri buri wese.

<P>By P.B

Njyewe nawe(séries): 5.Iburyasazi

Ugiye iburyasazi azimira nzima
Yarabonaga zitamba agasesemwa!
Kutamenya uko zitegurwa
Ni byo byazamuraga iyo ngeso
05.Yo kuzinukwa utaranatamira
Ukazirikirwa ku irembo ry’iw’abandi
Kubera kwibagirwa ko ako kebo
Atari ako kujya kwa Mugarura.

Mugirwanake ntakibwirwa
10.Ko abakarekeye ku irembo
Bakirwa nta mahamba
Iyo batagenzwa n’umururumba.

Ukinjiranye ntiyihishira
Ntihashira imitaga
15.Ataragaragaza umuteto
Uzamubyarira igihombo
Muri wa mutego
Bamuteguriyemo igihembo.

Arirega agatambuka
20.Bakabura uko bamugira
Kandi nyine yabagezemo.
Ubwo na we akabigana
Akabikora bikaba umwaku
Uko yitanga nta rutangira
25.Bakamutorera kuba mukuru;
Koko iyo ntambwe ni iy’umukozi.

Nyir’umugara agirwa n’amaguru
Umwaga n’ubugome
Ntibyangana urugomo
30.K’utirengagije imigemo
Y’indorerwamo yireberamo.

Utaranigwa n’irobe
Ntamenya uburemere bw’ibiryoshye.
Iyo bamushyize ajya iyo
35.Agashya ntacyo yaruye
Uretse ibyo we yikururiye;
Ngo ntashishikajwe n’ibihoze
Iby’amateka yamushyize ku mutwe
Ntakibireba yarabihaze
40.Byamubereye undi mutwaro.

Aho ahindukiye umutware
Utari uw’imisozi cyangwa umukenke
Binogereza isa ry’ iz’amariza
Yabaye nk’ukindikijwe umukindo
45.Hari ubukire aba ategereje;

Kutavugirwamo no kutavirira
Ya ntego n’irya mihigo
Yagaragajemo urwe ruhare.
Asunika baseka ngo ni urwenya
50.Akabasiga yarabasanze.

Rukerikibaye ntakererwa
Ngo umuti w’ibitotsi ni umurimo
Akabi adakeneye ni umuruho
No mu misazire ye si isazi
55.Yo kumirwa n’abagenda basamye
Nka Runyamaswa ugira inzara
Ntabe akibuka kirazira.

By P.B

Akavideo

Burya abana n’abakiri bato badufasha kuryoherwa n’ubuzima.Kandi ntibisaba byinshi. Reba aka kavideo:

Erreur
Cette vidéo n’existe pas
How to keep faith in a time of terror?

Njyewe nawe(séries): 4.Kabutindi

Ye mwana w’imirindi
Wishakira amahoro
Ntubona Kabutindi
Ko acura Bufuni na Buhoro ?
05.Kabutindi si ka gapfunyika
Barenza urugo kakagaruka.
Ni ya nkike imenya bikeya
Buri munsi ikagurugumba
Ku bw’agahinda ka ya nkoko
10.Yabuze byose uretse kugumba.

Hari n’ituraga abatabarika
Bakimarirwa n’uduca
Igasigara ku buce.

N’iyo yaba ingare bya he
15.Hari ibibi idahagarika
Igahebera urwaje
Nk’ingata imennye.

Kabutindi ni nka Kirabiranya
Urayibarirwa ntuyitererwa.
20.Ni ya Rukubiranya
Rubonezabihombo
Ntaho ya Rwiherezimbehe
Abo igezeho bose
Bakabura gihembura.

25.Yo ubwayo burya iragwira
Urwego rwose irarwigerera
Abakumirizi bakubura uko bayigira
Urubyaro amagana rukagwamo imbeho
Rukanyanyagira nta kumenyana
30.Boshye imbeba ziruka imbariro.

Kabutindi yo mu muryango
Ni ya nzara ibuza gukinga
Maze inzigo igakaza imirya
Ibikenya bikabona uburyo
35.Bwo guhekenyera amenyo
Ibisekeramwanzi.

Kabutindi itangaje
Ni itera bamwe kuba nk’ incike
Zidateze indi ncungu
40.Yabaca guca incuro
Mu bo babyaye babura bahari
Mu buzukuru no mu buvivi.

Kabutindi karundura
Ni no kugira abana bahora barwana
45.Ba Bizengarame na Sabizeze
Ibitabuze bakabitamo amarira
Maze umuhimbo ukabyara amaganya.

No kugira ibiryo ukabura amenyo
Iyi na yo ni indi kabutindi.
50.Cyakora amenyo adafite icyo arya
Umunwa urasama akagwa ubwo
Byatinda na bwo agafatana
Ururimi ubwarwo rukabura inzira.

Ngiyo kabutindi ku Banyarwanda
55.N’abavuga rumwe ntirugisohoka.
Aho gusobeka ngo basakare
Barasarikana byo gusenya
Inzira ikaba nziza ku babaseka
Rwageretse mu gusebanya.
60.Ubwo n’inzika rukambikana
Umwe bucya yongera ubukana.

Kuyikika si iby’ejo
Keretse twese nitumenya
Kwibanira neza nk’amenyo
65.Yaba aya ruguru cyangwa ay’epfo
Yaba ibihanga cyangwa ibijigo
Ni yo aturinda kugoreka imvugo.

Bamwe arabarya bakayakuza
Abafite inyinya bakayarata
70.Igihe abandi baba babaseka
Kuri iyo nenge yitwa ubwiza
Bwizana bukaze ntibabureke.

Ikibibatera cyo ntigihenze
Bayacishamo agati ntikabatinze
75.Agahorana iteka isuku y’icyeza
Cyizihiye abarezi n’abarebyi
B’iby’ejo biberanye n’imiti
Ya Gihanga cyangwa abahanga
Umuzungu ataratera imboni
80.Ngo ayigireho ayigire iye
Ayungukireho nk’uwayihimbye.
Kabutindi y’ibihengekerane
Twayimwihereye na we akumva?


Search Engine Submission – AddMe

By P.B

Abasangiye akababaro cyangwa amagorwa bakomezanya gute?

Ngo « ibisa birasabirana ».Rimwe na rimwe gutakira rimwe byongera imbaraga n’ijwi rikumvikana.Nyamara uwanizwe n’agahinda hari ubwo ijwi rye ridasohoka.Aba akeneye umuvugira cyangwa irindi jwi rimukomeza.None se abantu bahujwe n’akababaro cyangwa bahuriye ku kababaro gusa,ni nde wakomeza undi?

Kuri iyo ngingo,Abakurambere bacu bararivuze ngo « uruka ntafata uhitwa ». N’ubwo bombi baba bafite ikibazo kandi impamvu ishobora kuba atari imwe,buri wese aba akeneye kuba muzima cyangwa kumva ko ari muzima.Ese ntibakomezanya iyo nzira y’akababaro hatabonetse irindi jwi?

Tubizirikane kuri iki cyumweru gikurikira Pasika twitegereza uko impuhwe za Nyagasani zitugeraho mu gihe muri ako kababaro atwereka amatara yaka uruhiriri kandi akabwira buri wese ngo « witinya ». Tubirebere nibura mu isomo rya kabiri ry’Ibyahishuriwe Yohani Intumwa:

« Njyewe Yohani,umuvandimwe wanyu na mugenzi wanyu musangiye amagorwa,ubwami n’ubwiyumanganye muri Yezu,nari ndi mu kirwa cya Patimos ku mpamvu y’ijambo ry’Imana,n’iy’ubuhamya bwa Yezu.

Nuko ku munsi wa Nyagasani ntwarwa na Roho w’Imana,maze numva inyuma yanjye ijwi riranguruye nk’iry’akarumbeti, rigira riti, « Ibyo ubona ubyandike mu gitabo,maze ubyoherereze izi Kiliziya uko ari ndwi: iya Efezi,iya Simirina,iya Perigamo,iya Tiyatira,iya Saridi,iya Filadelifi n’iya Lawodiseya.

Ubwo ndahindukira,kugira ngo ndebe iryo jwi ryamvugishaga,maze nkebutse mbona amatara arindwi ya zahabu,kandi mbona rwagati muri ayo matara,umeze nk’Umwana w’umuntu.Yari yambaye ikanzu ndende, akindikije umukandara wa zahabu.

Ngomukubite amaso,ngwa ku birenge bye nk’uwapfuye,ariko anshyiraho ikiganza cy’iburyo,avuga ati « Witinya,ni jye Uwibanze n’Uwimperuka kandi n’Uriho; narapfuye none dore ndi muzima uko ibihe bihora bisimburana iteka,mfite imfunguzo z’urupfu n’iz’ikuzimu.None rero andika ibyo wabonye,ibiriho n’ibigomba kuzaba nyuma. »(Ibyahishuwe 1,9-13.17-19).

Icyumweru cyiza cy’Impuhwe z’Imana mu bayo.

By P.B

Njyewe nawe(séries): 3. Utankururira

Mbega icyago mbega icyaka
Gukekakeka no gukebaguza
Kwishyira aheza ufite abo uheza!
Ko uhereza abo uzi ukazira abandi
05.Ugukebuye ukamutamaza
Ubwo ibigukwiye byaba ari ibyo?

N’iyo akwegereye ngo mubicoce
Ubica hirya ngo bidakemuka
Yaba ari inkurubanyi kabombo
10.Ukamurindira mu murambi
Utamucisha iyo mu irimbi
Mugakimirana mu mucyamo
Ngo taha amahoro utankururira.

Nkubanabahizi ngo ntawe ukurega
15.Ntawe ugutegeka ntawe ukuruta
Nta n’uwo ukeneyeho umurengezi.
Ingeso utunze zireshya n’umugezi
Inziza n’imbi ukazibika hamwe
Muri ka kabindi gapfunduye
20.Uko zihaturuka ni nk’ubufindo.

Niba no kwiruka ntawe ukurusha
Ikivugo cyawe ni Ntibashima
Mu mpakanizi ya Marekabiri
Gukubiranya nka kirabiranya
25.Ni ryo shema ubonamo ishimwe.

Abo muturanye urakenesha
Warabakenetse barazinukwa
Kubarya utwabo ntibakirabukwa
Abatameze nkawe ni Ntabwenge.

30.Ubigirirwa we akinumira
Inama ahawe ko bidakwiye
Arabireba ngo utankururira
Kwa Ntamushobora biragoye
N’uwagufashaga yaba umwishi
35.Nta mwishingira w’iminsi.

Utera intambwe ati urandenze
Akazengerezwa n’ibyo ugezeho
Yirengagiza iyi ngingo ikomeye
Ko igikiza abantu ari imishinga
40.Igarura abanga igahuza abagenda
Barembuza bamwe basanganira abandi.

Abo bandi bo se ni abahe
Badahimbira n’abanywanyi
Mu nzira yabo ari ikinyuranyo ?
45.Hashize iminsi batarahangana
Ngo bahemukirane bavuge ibitavugwa
Nta bukire batagerageza
Nta n’ikibazo cyaba ikigeragezo.

Aho ibintu biri ntihabura imanza
50.Mu nzangano zo kubigabura
Kubisangira no kubyongera
Kubyegeranya no kubigarura.

Utabona neza uko bazabigeraho
Akubita ijisho bya gisaza
55.Agasubira inyuma akiyumvira
Utamuvirira ngo yivunure
Akarikocora bucece adategwa
Bitari ubugwari cyangwa indwara
Ari amarenga y’icyo arwanya.

60.Kumuguyaguya byaba bikomeje
Nk’uwirengagije ibyo ashoboye
Kandi inama zabaye iyanga
Igisubizo cye kigasharira :
Utankururira ndisaziye
65.Nzagwa ahandi sinishoboreye,
Sinamenya aho bizashirira.

Impamvu nyayo ugashakisha
Impande zose nta kugoheka
Na we ubwo ijisho akiriguhanze.
70.Irya mukuru iyo ritinze
Riba rigishaka aho ribihera
Rikitegereza aho biherera
Bitari iby’umwana wikura ku bibero
Agira ngo yihereze bibero:

75.Ashyiraho umwete akamiragura
Ako gakoma
K’amasaka cyangwa se k’uburo
Yakumva nta gikoma
Akigarura bakimureba
80.Yategwa bati korwa
Gukomera ni ko bikorwa
Ngo uzitegurire iryawe gaburo.

Kubana n’abato biratebuka
Ariko ntibisigana no kwivuguruza
85.Kuko aho ibitekerezo bituruka
Ari mu mabanga y’irya misozi
Uko itumburuka irushya izamuka.

N’ugeze ku isonga ntaruhuka
Iyo atekereza no kuyimanuka.
90.Birihuta boshye amabuye
Ni yo ahirima ntagitangira
Akaruhukira mu mubande.
Igitangaza ni uko yahagarara
Nta mutego nta n’umwobo
95.Igisiza kikiri kure.

By P.B

Kwitabaza ubuyobozi ni ugukomeza agatsi

Ntibyoroshye kubona urwego rw’ubuyobozi rwumva akababaro k’abaturage.Nanjye najyaga ngira ngo abataka barakabya.Nabyumvise ar’uko bimbayeho,mbyiboneye amaso ku maso.Ni akumiro!

Vuba aha nakuviriye i Nyagatare nje muri Minijust gusinyisha ibyangombwa(ngo byitwa légalisation) by’umukobwa wanjye uri mu mahanga y’iriya mu Burusi. Mpagera ku wa gatatu saa munani kuko nari nabuze imodoka, barambwira ngo bazanyakira ku wa gatanu saa 11h00.

Mbega guhangayika!Naracumbitse kugira ngo nzahagere kare.Sinjye warose iminsi ibiri irangira,dore ko umunsi umwe muri uwo mujyi wa Kigali wagira ngo ni umwaka wose.Udufaranga ntidutinda kugushiriraho.

Ku wa gatanu narazindutse ntonda umurongo nk’abandi. Bene akazi basiganwaga mu kwinyuranyuranamo.Bigeze saa sita, ngo abashaka Notaire bazagaruke ku wa mbere.Bamwe dutangira kurebanaho. Abanyamakoti na karuvati bikuba hirya no hino mu biro.Nanjye nti iyo mba umuntu nari kubona umvugira.

Hah!Umva ko ruswa zidatangwa da!Iyo nyagira nanjye sinari gutinda aha.Ariko se ko wamuha duke akagufatisha bakakwandika hose ngo ni wowe munyamakosa?!Reka ntahe nzagaruka.Banza ubuyobozi bwiza ariko bukora!

Natashye nimyiza imoso.Ku wa mbere nyirara ku ibaba.Naje n’iyo mu rukerera,bafungura ibiro mpagaze aho. Banyakiriye mu ba mbere ngira ngo kirakemutse.Mu kanya ngo ngomba gusubira mu Murenge,ngo nabyujurishije nabi cyangwa narabicuze.

Sinamenye uko byagenze,nahise ngwa igihumura. Nakangutse mbona nkikijwe n’abandi bitotomba.Umwe ni we wanyegereye aranyihanganisha ngo na we ni ko byamugendekeye kandi aturuka iyo za Rwamatamu ku Kibuye.

Ngo « ugutegeka agukubita yicaye koko »!Bajyaga bavuga kwa muganga,nibura naho!Ubu se nk’aya mafaranga y’ingendo, tuzayasubizwa na nde?Dore buriya mu Murenge bazongera baturye andi,dukomeze dusiragire dutyoooo!Mana we!Abashoboye gusenga mudusabire twe rubanda ruciye bugufi.

By Shyirambere Alex/Nyagatare

How to keep faith in a time of terror?

How do we sing the Lord’s song in the shadow of terror? In solidarity with all the victims of Brussels and the whole human family this week, I protest, I rage, I grieve, I pray. But I must also try to think.

Indiscriminate terror has long been a scourge on this earth, but its globalization through television and social media has now made it emotionally inescapable. Were I to dwell in the uttermost parts of the sea, I could not flee from its presence.

So as we try to absorb the terrible news from Brussels, how do we “despair not” even in the face of monstrous evil? No simple task, and easy answers seem disrespectful in the time of weeping. But I do believe the antidote to despair is to keep the faith. We must never forget the sacred story we belong to. Even at the grave we make our song: Alleluia, alleluia, alleluia.

The terrorist belongs to a story which for most of us is inconceivable. Terror is “the language of being noticed,” a kind of performative rhetoric designed to bring a neglected or disregarded worldview into the open by subjecting others to the violent norms of its alternate reality.

In the minds of many terrorists, the war they are so eager to wage is apocalyptic, a cosmic conflict of good and evil in which there is no compromise or bridging of differences. And the very worst thing we could do in response would be to play the part they have written for us: satanic enemies in a cosmic struggle.

The proposals of certain American presidential candidates to “bomb the hell out of them,” or bring back the good old days of torture, would play perfectly into the terrorists’ hands, conceding the primacy of their deadly story.

Cross

However, I choose to belong to a better story, the one enacted and embodied in the powerful liturgies of Christ’s Passion. Step by step on the Way of the Cross this Holy Week, Christians will bring to mind and heart the saving journey which Jesus made, without weapons, into the abyss of suffering and death.

Renouncing all violence and hatred, Jesus remained faithful to the end. After pouring his whole life into a ministry of healing, forgiveness, and reconciliation, he continued to show us the face of love even as he was tortured on the cross. “Father, forgive,” he said with his dying breath. To the last moment, in his most bitter hour, he remained the human who shows us God by doing what God does.

The cross shows us how it is possible to absorb evil and neutralize its effects, rather than pass on the anger and live in bitterness.We declare victory at the cross, because the Passion isn’t just a story about violent powers that always trample the weak and kill the prophets. It’s also a story about the Realm of God, where dry bones breathe and lost hopes dance, where the prodigal is welcomed home and the tears are wiped from every eye.

The Love that makes such a realm was nailed to a cross, but was not consumed by it. Death did what death does, and God did what God does. And on the outcome of that story, I stake everything.

Even after Brussels, the word remains: Be not afraid! Love makes the abyss into a Way.

Source: The Religious imagineer

Njyewe nawe(séries): 2.Iryo nabonye

Amahanga abyara amahano
Nta muhanga wo mu buhungiro.
Icyo nabonye iyo mu mahanga
Ni ukwiruka ubudatuza
05.Uwakaguhetse ntaba agoheka
Uramureba ugatinda kumumenya
Kuko aba yarataye ibyo tumenyereye.

Umugabo arateka akanakubura
Umugore agategeka ntatebuke
10.Ubukire twumva bukaba umukeno
N’umukino w’abatagishobokana.

Gucana uwaka ni kirazira
Ku batagira akanya ko kwicarana
Kuko iwabo hihorera umuriro
15.N’urusaku rwinshi rwo kwivugira.

Umuti wabyo ni ukwica amatwi
Kuva na kera aba yarazibye
Kubera ibyuma bayahozamo.
Bashyiraho n’ibindi byo kongera
20.Wa mutwaro wo kutumva
Kuko bazi ko wowe ubumva.

Iryo rwose ryo nararibonye
Kutumva rwose burya ni ishyano
Kutumvikana bikaba ibindi.
25.Iryo kandi uko naribonye
Nta ruhande rusumba urundi
N’urwari rusigaye rurasingirwa
Ngo umuntu nyawe yumva twose
Akavuga byose ntacyo asigaje.

30.Aho bipfira hatangaje
Ikaba n’impamvu y’ibyo byose
Ni uko ari hahandi hahora incyuro
Abahatuye ni nk’ikirere
Burira ntibuke bugacya butije.

35.Bahinduka bwangu nta kurabukwa
Ukabyibonera ari mu makuru
Y’inkuru yiriwe isakara.
Kuba umuntu ntacyo bitanga
Iyo kurakara bigeretseho urukara.

40.Wabaza uruhare ubifitemo?
Keretse wibitseho inoti
Naho ubundi uba uri nk’inanga
Igombera umucuranzi.

Nta gitinyiro nta banga,
45.Rutangira yabuze inkike
Mu buzima butagira inkingi
Nta nkeke bikibatera.

Uburere bwo ntumbwire
Kwa Ntamukuru no kwa Ntamuto
50.Abana b’umutima wabona bake
Utomboye mu ngo z’abatoni
Bagishoboye kumvira Rurema.
N’udafite amenyo aba ari umumenyi
Kumenya ko uri aho ni ukumurushya.
55.Ikibatera kudashyirwamo umwuka:

Ntibakikirwa bakivuka
Rugikubita baba basunikwa
Bakagenda bashumitswe
Mu kagare gatwikiriye
60.K’amaguru atatu cyangwa arenga
Aho bikenewe bagaterurwa
N’ababakikije hirya hino
Ngo hato akondo katabageraho.

Ugize ngo ararira umunwa barapfuka
65.Bakamupfunda ikintu ntazi
Mu gihe uw’iwacu ahabwa ibere
Ubwo we na nyina bakazirikana

Ku isangano ridakuka
Risubiririza ya sano
70.Ku neza ihoza iryo yonse
N’impanuro ya se na sekuru
Muri iyi mpano itagira uko ingana
Mu ngano yifitemo ikiguzi:
Ntugahogore bura bwanjye.

75.Ba Rutuku iyo bamaze gukura
Bereka iwabo ko bigenga
Bakigendera uko bashaka.
Cya kiziriko ko bagiciye
Ntibagikeneye ko babashorera!

80.Nyamara ibibazo birabarenga
Itabi n’inzoga bikaba intaho
Intamiro nyayo yo ikaba nkeya
Ikababyibushya bidasanzwe
Kuko bwaki yatongoreye
85.Mu itetu ry’imiti y’ubutesi
Badasinzira batamiraguye.

Niba ikibazo ari n’ubwenge
Imizi y’ibyo iri mu burere
Kuko aho uburezi busize imyenge
90.Ukwemera ni ko kuhasubiranya.
Benshi uko bateye ni iby’abahanya
Biragaterwa biragateterwa.

Kubaho udaseka si iby’I Rwanda
Ibintu byose ni amategeko.
95.Gusingiza Imana ni nk’ikinegu
Nta gusurwa ngo udasesagura.

Ahantu nk’aho wahakora iki?
Bamwe igisubizo barakibonye:
Kwibera mu maganya
100.Udafite n’uwo uganyira
Maze ukikingira iwawe
Ukabana na Nyakabwana
Utembereza ugira ngo bwire!

Kuba umunyabwira bimara ubworo
105.Ubwoba bwo ntibugira ubwoko.
Niba ari ihurizo cyangwa ibanga
Ntiryarenga iryo nabonye.

Kubaho neza si byo batanga
Na bo burya baba batinya
110.Ko watera intambwe ugatambuka.

Kuguha akantu ni ukugera
No kukubuza ko hari icyo ugeraho.
Ndahagurutse ngo njye kure
Iryo nabonye ntirizampagarika.

(Biracyaza…)
By P.B

Njyewe nawe(séries):1.Ikambere

Nyamwemezabisetso
Ntatinya kwishyira imbere
Nk’uwizeye izindi mbaraga.
Bigitangira ntiyabiketse
05.Yarakibereye mu bitotsi.

Yahamagaje injishi
Abiteguye kumugora
Bamureba ikijisho
Ntiyarabukwa umubogora;

10.Yitabiriye urugomo
Hugururirwa Nyiringabo.
Hejuru iyo
Ni ho bahuriye na Muhabura
Abahereza imitagara
15.Ngo bitegure kuba abatoni
Badataye imitana;

Abaringaniye urwego
Ntibadindizwa n’urwamo
Rweguka gato bagahita
20.Mu makombe bakahabona inzira
Batitaye ku nzagihe.
Buhoro buhoro igihe n’igihuru
Bibageza ku buhoro
Bibagiwe amahari.

30.Bibutse bwakeye
Urwikekwe rwabajemo
Bisunga imbago
Barwanirwa n’imbaga
Kandi mbere bari nk’imbogo.

35.N’ab’ikambere
Baba ibamba
Ntawe ubagirira ibambe
Bambaye iby’imbabare.

N’iyo byaba gusunikwa
40.Ntibasubira imyitozo
Bisigariye ku gasi
K’abasezeye imyato.

Utabitangiye mu mizi
Azimenyera inzira n’amajyo
45.Yarashiriweho n’umushanana
Naho uwamaze kuba kajoriti
Ntawe uba akimushingira igiti.

Abashinyaguzi ntibabura
Bazamwambika imidari
50.Ngo ajye areba ashire inzara
Inzira yo burya ni ndende.
Biracyaza….
By B.P

Bakanyujijeho muri byabihe!

 

Nimuhumure, nibiriduka tuzabikora!

Njye ncuruza ibirayi mbikuye ku Gisenyi.Ni amahirwe kuri twe iyo hirya iyo mu giturage imihanda ari mibi.Umuhinzi tumugurira kuri make ariko imodoka na yo ikahazaharira. Abantu baza bikoreye ibirayi ku mutwe kugera aho twaparitse kandi twashoboraga kubisanga hafi batavunitse.Ngo na byo bitanga akazi ku bikorezi,ariko se umuhinzi yunguka iki?

Imihanda mibi

Ikibazo ntikigarukira iyo mu Kitumvingoma.N’iyo ugeze ku kiraro cya Nyabugogo,utera « Dawe uri mu ijuru » ngo nikiriduka nibura we agutabare.Biratangaje ukuntu Uturere 2 muri Kigali yiyubashye tudashobora kwitunganyiriza iteme n’imihanda nyabagendwa.

Abakiliya bacu baza kudufatira ibirayi n’amagare baba bataka imigongo kubera ibinogo.Imodoka ipakiye yo ntishobora kubona n’uko ibikwepa.Imvura yaba yaguye,abanyamaguru bakijundika bene imodoka ngo barabatera ibiziba!Nyamara ngo hariho Ikigo cy’Igihugu cyo guteza imbere imihanda(RTDA)  bamwe bahinduyemo icyo guteza imbere inda.Imihanda mibi 1

Ibi ni byo bituma uko ngenda hirya no hino nsigaye nibaza niba ya mihigo bajya bavuga itari mu mpapuro gusa cyangwa niba inzego z’ibanze zifite ubushobozi bwo gufata icyemezo ku bijyanye n’ibikorwa remezo (infrastructures).

Ababitegeyeho amaramuko iyo babajije abayobozi barabasubiza ngo « Nimuhumure,nibiriduka tuzabikora! »Ni nko kuvuga ngo gufatira hafi biravuna,ibyiza ni uguterura ibyageze hasi!Ariko se kuki bikomeza gupfa abo bayobozi babireba?Ese bifitiye utwabo tudege tubakura ku biro kugera aho batuye(za Kigali iyo)ku buryo babimenya bagombye kubibarirwa?

Ubwo bene ibiryo bari mu mwiherero wabo twizere ko ya mvugo yabaye ikita rusange ku bayobozi ngo « ikibazo bagikoreye ubuvugizi » igiye gucika,hakajya haboneka ibisubizo ibintu bitararengerana.

By Nkubiyaho Joas Kigali/Gasabo.

Nta nyungu yo kuba umukristu!

Kaje yari yishimye ahabwa amasakramentu ya mbere.Ajya gukomezwa yakwikiye ikoti na karuvati ngo na we ageze ikirenge mu cy’abakuru.Yajyaga mu misa kenshi yumva abikunze.Uko iminsi ishira na byo bigenda bimuvamo kuko abakuru bafite ahandi bahurira hatari aho.

Akazi yakabonye afashijwe n’umukateshisiti wamwigishije. Aragakora karamuhira.Yakoranaga n’umukobwa wakiriye agakiza;buri kintu cyose akabanza gusenga ahumirije n’amaboko yayamanitse.Kaje akabireba agasekera ku mutima.

Kera kabaye baje guhuza urugwiro bemeranywa kurushinga.Mu kubana,bari bahujwe no gutinya Imana ku buryo butandukanye.Zayina yaraturaga akayivuga mu izina naho Kaje akabura icyo arenza ku masengesho yafashe mu mutwe.

Yatangazwaga no kubona umugabo amuherekeza mu Rusengero kabiri mu kwezi ariko ntamusabe ko na we bajyana mu Kiliziya.Umunsi umwe amubaza niba bishoboka ko bagabana ibyo byumweru mu rwego rwo gusangira ukwemera.

Kaje, ati « Ibintu byo muri Kiliziya gatolika biragoye,sinzi ko byagushobokera!Ariko niba ubishaka uzaze ».Muri ibyo byumweru bakajyana aho bashengerera Ukaristiya nyuma ya Misa.Zayina aza gusanga ubwo buryo bwo gusenga ari ubw’igiciro gikomeye.

Inshuti zabo zo muri Emmanuel(Communauté de l’Emmanuel)zaje kubasura,zibamenera irindi banga ryo guhimbaza Imana no kuramya.Kuva ubwo Kaje amenyera Izina rya Kristu naho Zayina ahasanga ibisa n’ibyo mu Rusengero.Nuko bavira inyuma rimwe,barakataza pe!

Bagenzi babo batinyaga kubabaza uko ibyo bintu byabajemo. Nyamara mu biganiro byabo ntibashidikanyaga gukomoza ku mbaraga z’ukwemera mu guhindura isura y’ubuzima.Babyaye uburiza abaturanyi bamaze kubamenyera kuri iyi mvugo yagengaga imibereho yabo :nta nyungu yo kuba umukristu utemera.Amasomo yo kuri iki cyumweru yabidufashamo,cyane cyane irya kabiri:

« Ibyo byose byampeshaga agaciro,nasanze ari igihombo,kubera Kristu.Ndetse nsanga ko ibintu byose ari igihombo ubigereranije n’icyiza gisumba byose aricyo kumenya Umwami wanjye Yezu Kristu.Kubera we nemeye guhara byose no kubyita umwanda,kugira ngo nunguke Kristu,maze nzamusange ntishingikirije ubutungane bwanjye bukomoka ku Mategeko,ahubwo mfite ubutungane bukomoka ku kwemera Kristu,buva ku Mana,bukaba bushingiye ku kwemera.

Igisigaye ni ukumumenya,We wazukanye ububasha,no kwifatanya na We mu bubabare bwe,ndetse no kwishushanya na we mu rupfu rwe,kugira ngo nibishoboka,nanjye nzagere ku izuka mu bapfuye.Si ukuvuga ko ubu ibyo nabigezeho,cyangwa ko naba narabaye intungane,ahubwo ndatwaza ngo nsingire Yezu Kristu,mbese nk’uko na we ubwe yansingiriye.

Koko bavandimwe,sinemeza ko nabigezeho;icyo mparanira ni kimwe gusa:ibyashize ndabyihorera nkihatira ibizaza.Ntwaza rero ngana intego,ya ngororano Imana iduhamagarira mu ijuru muri Kristu Yezu. »(Filip 3,7-14).

Andi masomo ni Izayi 43,16-21 na Yohani 8,1-11.Icyumweru cyiza kuri buri wese.

P.B