Ubuzima bw’abatagatifu: Saint François d’Assise,umuririmbyi wa Nyiribiremwa

Se,Pierre Bernardone ni Umutaliyani,naho nyina Dame Pica akaba Umufaransa-kazi.Aba babyeyi be bari abacuruzi bakomeye(marchands)mu mujyi wa Asizi.

Ubwo yari afite imyaka 25,ni bwo yumvise ijwi rya Kristu rimuhamagarira kuzahura Kiliziya abicishije mu bakene.

Yasanze ishingiro rya byose ari Ijambo ry’Imana nk’Inkuru Nziza mu bantu.Kugira ngo igere kuri benshi,yashinze urwego rw’abavandimwe bato bigisha(Ordre des frères prêcheurs mineurs,Ofpm ou Franciscains).N’abagore ntiyabaheje kuko yafatanije na Claire bagatangiza Ordre des Dames Pauvres(Clarisses).

Ku myaka 44 ni bwo yitabye Imana mu 1226.Nyuma y’imyaka 2 gusa yari yemejwe nk’umutagatifu(canonisation).
Na n’ubu,abaharanira amahoro bamwibonamo,abarwanya akarengane gakorerwa abakene bakamwibonamo,abakunda umubano mwiza mu bantu badahungabanya n’ibindi biremwa,bose na  bakamwibonamo.
Ni yo mpamvu Papa François yifuje ko uyu munsi waba uwo kuzirikana ku mahoro no ku biremwa byose. Kandi koko abakunda inyigisho z’uyu mutagatifu bamwibuka nk’umuririmbyi wa Nyiribiremwa wabigaragazaga no mu mikorere.Akenshi yarababwiraga ngo(citations):

« Commence par faire le nécessaire,puis fais ce qu’il est possible de faire et tu réaliseras l’impossible sans t’en apercevoir. »

« Pour commencer,nous allons faire les petites choses faciles.Petit à petit,nous nous attaquerons aux grandes.Et quand les grandes choses seront faites,nous entreprendrons les choses impossibles. »

« Que sont les serviteurs de Dieu,sinon comme ces jongleurs qui doivent élever les cœurs des hommes et les émouvoir de la joie spirituelle? »

« Celui qui travaille avec ses mains est un ouvrier,celui qui travaille avec ses mains et sa tête est un artisan,celui qui travaille avec ses mains ,sa tête et son cœur est un artiste. »

 

Mu kubizirikana, aba adusabira. Abamwiyambaza tubifurije umunsi mukuru mwiza w’amahoro.

By P.B

Ubuzima bw’abatagatifu: Saint Jérome,Umwambari wa Kristu n’Ijambo rye

N’ubwo bitari byoroshye kubana na we kubera imiterere ye(caractère)n’imitekerereze ye (vindicatif),hari ibindi byatumaga bamukunda.

Yavukiye ahitwa Dalmatie(Croatie y’ubu).Yakiriye Batisimu afite imyaka 19.Kuva ubwo,inyota yo gushakashaka Kristu yamujemo kandi irushaho kwiyongera bituma akora ingendo nyinshi.
Yagiye i Roma kwiga,akomereza i Antiyokiya,aho yaherewe ubusaseridoti(379).Nyuma yerekeje Constantinople kugira ngo anoze ibya Bibiliya abifashijwemo na mutagatifu Geregori wa Nazianze.
Yavugaga neza Ikigereki n’Ikilatini kandi akamenya n’Igihebureyi.Ibi byamworohereje mu murimo we yakundaga cyane wo gusobanura Ibyanditswe(Ecritures)abihuje n’amateka(interprétation historicisante)yerekeza kuri Kristu.
Yahereye aho ahindura Bibiliya yari yanditse mu Kigereki(Septante)ayishyira mu Kilatini(Vulgate)kugira ngo isomwe na benshi.

Kubera imiterere ye(caractère)n’imitekerereze ye yo kutanyurwa(vindicatif),ngo ntibyari byoroshye kubana na we.Icyakora uburyo yakundaga Kristu n’Ijambo ry’Imana byatumaga nanone abantu bamukunda.

Na we yari yiyiziho iyo ngeso.Uburyo bwe bwo kurwanya iyo ntare itontoma iruhande rwe ngo imwerekeze mu maso y’urupfu,nta bundi butari ubwo kuyitsindisha Ijambo ry’Imana n’umurimo.

Yeronimu wavutse ahagana mu mwaka wa 347,yitabye Imana tariki ya 30 Nzeli,muri 420 i Beterehemu.Afatwa nk’Umwigisha wa Kiliziya(Docteur de l’Eglise)wo mu gihe kimwe na Ambroise,Augustin na Grégoire wa mbere.Amwe mu magambo ye(citations) yadufasha:

« Priez-vous?Vous parlez au Seigneur.Lisez-vous l’Écriture Sainte?C’est Lui qui vous parle. »

« Ignorer les Ecritures c’est ignorer le Christ »

« Livre-toi à quelque travail manuel,pour que le diable te trouve occupé. »

 

Nguko uko adusabira! Umunsi mwiza ku bamwiyambaza.

By P.B

Mutagatifu Athanase:Ingabire yo kutarambirwa!

Kuko amatariki ye y’amavuko atazwi neza,bakeka ko Athanase yavutse hagati ya 296-298.Yavukiye Alexandrie ya Misiri,aho yabereye n’Umweiskopi igihe kirekire.

Azwi cyane mu kurwanya ubuyobe(hérésie)bwashakaga kwemeza ko Yezu atari Imana(contre sa Divinité)kandi ko niba ari Imana atari Umuntu(contre son Humanité).

Iryo tsinda ry’ubwo buyobe ni ryo ryaje kwitwa arianisme kuko ryari riyobowe n’umupadiri witwa Arius.Ryatizwaga umurindi no kuba rishyigikiwe n’abagenga b’iyi si,cyane cyane abami batifuzaga ko abepiskopi n’Abapapa babasumbya ububasha.

Ubwo yatorerwaga kuyobora Kiliziya ya Alexandrie,abamurwanya,barimo n’umwami Constantin,barushijeho kuba benshi no kugwiza ubukana.Bageze n’aho bamurega gufata ku ngufu umugore wemezaga ko amuzi neza,nyamara mu rubanza amwitiranya n’umwe mu bapadiri ba diyosezi ye.

Ntibyahagarariye aho, kuko banamureze kwica umwepiskopi mugenzi we akamutema ukuboko.Ubwo yari ageze imbere y’abacamanza,Arsène yaregwaga ko yishe yigaragaje ari muzima,anerekana amaboko ye,maze abamuregaga babura iyo bakwirwa.

Ibyo bigeragezo ntibyamubujije kumara imyaka igera kuri 46 ku buyobozi bwa Kiliziya,kuva tariki ya 8 Kamena 328 kugeza tariki ya 2 Gicurasi yitaba Imana muri 373.

N’ubwo iyo myaka atari mike,imyinshi yayimaze mu bwihisho(clandestinité)no mu buhungiro(5 exiles).Abo yabaniye neza batumye abanzi be batagera ku ntego yabo yo kumwica.

Nta gushidikanya ko ubuzima bwe bwose ari inyigisho ku mbuto z’ukwemera gushinze imizi muri Kristu,n’iz’ingabire yo kutarambirwa(ténacité et constance.)Ubwe yarivugira ati(citation): »Celui qui va vers Dieu ne s’éloigne pas des hommes,mais se rend plutôt proche d’eux »

Twifurije umunsi mukuru mwiza abamwiyambaza bose.

By B.P

Mutagatifu Cathérine de Sienne,umuhamya w’imbaraga z’ibiganiro

Yavutse yitwa Cathérine Benincasa,tariki ya 25 Werurwe 1347.Nyamara yamenyekanye cyane nka Cathérine de Sienne kubera uyu mujyi wo mu gihugu cy’Ubutaliyani yavukiyemo (Toscane),kuko imijyi ari yo yahabwaga agaciro cyane kurusha izindi nkomoko.

N’ubwo ababyeyi be batabishakaga,yagiye kwiyegurira Imana mu babikira bakurikiye Mutagatifu Dominiko mu kwigomwa(Soeurs de la Pénitence de Saint Dominique).Kubera ubumenyi n’ubuhanga bushingiye kuri Kristu,ni we mugore wa mbere Kiliziya yemeje ko ari umwigisha(Docteur de l’Eglise)kimwe na Thérèse d’Avila.

Kuva mu mwaka wa 1375,yaharaniye cyane ubumwe n’ubwigenge bwa Kiliziya ubwo abami bari bahanganye n’Abapapa.Ni muri icyo gihe yakoze uko ashoboye ngo abapapa bave mu buhungiro mu mujyi wa Avignon basure i Roma biciye mu nzira y’amahoro n’ibiganiro.Yabigezeho abifashijwemo n’ukwihangana gukomejwe n’isengesho.

Bitewe n’ uwo muhate w’imishyikirano(négociation) n’ibiganiro(dialogue),Kiliziya yamugize nanone umuvugizi w’abanyamakuru n’indi myuga yose y’itangazamakuru (médias et communication).

Yitabye Imana tariki ya 29 Mata mu mwaka wa 1380 afite imyaka 33 gusa,nyamara yarubahwaga cyane.Bumwe mu butumwa bamwibukiraho ni aho yagiraga ati(citations):

« La patience est la mère de la charité. »

« La vie est un pont:traversez-la,mais n’y faites pas votre demeure. »

« Pour l’homme courageux,chance et malchance sont comme sa main droite et sa main gauche;il tire parti de l’une comme de l’autre. »

Umunsi mukuru mwiza kuri ba Catherine,Catalina,Cathy,Catia,Kayla….

By P.B

%d blogueurs aiment cette page :