USA: Bahawe miliyoni 84 z’amadorali, nyuma y’imyaka 31 y’akamama muri gereza!

Henry Lee McCollum na Leon Brown bamaze imyaka 31 muri gereza bazira icyaha batemera na gato. Nyuma abacamaza baje kubagira abere bigaragaye ko habayeho kwibeshya

Muri Amerika, abakunze gufungwa, kwicwa no guhera mu magereza ni abafite inkomoko muri Afurika cyangwa uruhu rwirabura. Ibi byabaye kuri aba basore babiri badahuje se( demi-frères)kandi bisanganiwe n’ibibazo byo mu mutwe(handicap mental),biteye agahinda.

Henry Lee McCollum na Leon Brown bamaze imyaka 31 muri gereza bazira icyaha batemera na gato. Nyuma abacamaza baje kubagira abere bigaragaye ko habayeho kwibeshya(erreur judiciaire). Ni yo mpamvu bagenewe miliyoni 75 z’impozamarira hakiyongeraho izindi 9 z’indishyi yo kujuragizwa mu nkiko.

Baziraga icyaha cy’undi

Ubwo bafungwaga muri 1983, bari bafite imyaka 19 na 15. Baregwaga gusambanya ku ngufu(viol)no kwica umwana w’umukobwa w’imyaka 11 witwaga Sabrina Buie, wabarizwaga mu gace k’icyaro ka Red Springs, muri Leta ya Caroline y’Amajyaruguru(Caroline du Nord).

Henri McCollum en comparution

Kuko uwabashinjaga atigeze agaragaza amazina ye(dénonciation anonyme), uriya musore mukuru yabanje kwerekana ko ibyo aregwa ntacyo abiziho ariko abagenzacyaha(enqueteurs)bamumaranye amasaha atanu yose nta mwunganizi(avocat)bageraho barabimwemeza ndetse ashinja na murumuna we.

Uyu Brown utari uzi gusoma(illettré)yarabyemeye abiteraho n’igikumwe!Kubera uko kwiyemerera icyaha(aveu) bakatiwe igifungo cyo kwicwa(peine capitale)cyaje guhindurwamo icya burundu ku mutoya, kubera ko yasinyiye ibyo atari yasomye.

Leon Brown(en prison 2014)

Bakijijwe n’umuti w’itabi!

Burya koko ngo « Imana ihoora ihoze ». Umurambo w’uwo mwana bageretsweho wari waratoraguwe nta kenda na gato(nu), mu murima wuzuyemo ibicupa by’inzoga(cannettes de bières)n’ibisigazwa by’imiti y’itabi(mégots de cigarettes). Muri 2004 ni bwo ibizamini bya ADN byagaragaje uwakoze ayo mahano.

Nyuma yo gupima ibisigazwa by’itabi(mégots)byatoraguwe hafi y’umurambo wa Sabrina, basanze uwamwishe ari umugabo wari utuye hafi y’uwo murima kandi wari ufungiye na none icyaha nk’icyo yakoreye undi mukobwa w’imyaka 18 na we yishe by’agashinyaguro.

Gereza yababereye ishuri

Muri iyo myaka yose, aba bavandimwe ntibahwemye kugaragaza ko barengana. Nyamara na nyuma y’uko ADN ibyemeje, bategereje indi myaka irnenga 10 kugira ngo babone ubutabera kuko izo ndishyi zabonetse tariki ya 14 Gicurasi 2021!

Ese ibi biba muri Amerika nta handi byaba? Ese guhabwa amafranga nk’aya ni ibyo kwishimirwa nk’ikimenyetso cy’uko Ubucamanza bwikosoye nk’uko ubunganira mu mategeko, Me Des Hogan, abivuga?

Gusa nyine biragaragara ko Gereza yababereye ishuri. Bakomeje kurwana ku burenganzira bwabo mpaka batsinze. Hanze aha se bizabahira?Ese iriya mpozamarira izabamara agahinda kose mu gihe uwabafungishije ku maherere atagaragaye ngo abasabe imbabazi?

Sources: http://www.lapresse.ca

By P.Protogène BUTERA