Rwanda:Mu matora ya Prezida, kuki Fr. Habineza wa Green Party yarushijwe na Ph. Mpayimana ?

Mu gihe abandi bibereye mu buryohe bw’intsinzi,hari Uturere turi mu gahinda ko twatoye nabi kubera amajwi ya Fr.Habineza na P.Mpayimana kandi atarenga 1%.

Muri aya matora, intsinzi ya FPR yari yitezwe nta gushidikanya. Ishyaka ubwaryo nk’Ikotanyi risanganywe ingufu.Kuri zo hakiyongeraho iz’andi mashyaka arenga 8 yashyigikiye umukandida wayo.Amajwi arenga 98% Paul Kagame yegukanye arabihamya ku buryo nta n’uwatinyuka kujurira.

Igitangaje ni ukuntu mu bo bari bahanganye na we,umukandida wigenga Philippe Mpayimana yarushije Frank Habineza watanzwe n’ishyaka Green Party. Ese ibi byaba byaratewe n’iki? Ni imbaraga nke z’ishyaka cyangwa ni ikibazo cy’umukandida udashoboye?Elections au Rwanda.jpg

Twashatse kumenya impamvu,maze kuri iki cyumweru tunyarukira muri utu Turere uko ari dutatu aba bakandida bombi babonyemo amajwi ajya kuba menshi:Nyaruguru,Rusizi na Ngororero.

Nk’uko byatangajwe na Komisiyo y’Amatora,muri utu Turere twonyine,ukuyemo Diaspora,ni ho aba bakandida bashoboye kugeza hafi kuri 1% ry’amajwi. Nko muri Nyaruguru Fr.Habineza yagize 1.31% na P.Mpayimana agira 1.38%; muri Ngororero,umukandida wa Green Party yagize 0.87% naho P.Mpayimana abona 1.02%; mu Karere ka Rusizi, Fr.Habineza yahakuye 0.9% mu gihe P.Mpayimana yegukanye 1.1%.

Mu gihe abandi bari bibereye mu buryohe bw’intsinzi,twatunguwe no kubona utu Turere turi mu gahinda ko twatoye nabi.Mu Karere ka Nyaruguru ho,abo twaganiriye bavuga ko impamvu nyamukuru ari uko bigaragara ko batereranywe muri manda yashije.Ngo bashakaga ko bikosorwa.

Rusizi na Ngororero na ho twahageze.Aho ho bahurije ku kintu cy’ubudasa bw’umukandida wigenga;abemeye ko tuvugana batubwiye ko P.Mpayimana,n’ubwo nta byinshi bamuziho,yerekanye ko ibintu bye yabiteguye kuko yabibasomeraga uko byanditse ku buryo gahunda ye atari amagambo cyangwa igipindi.Tuzaba tureba ikizakurikiraho.

Imanishimwe Jonathan/Kicukiro

Ko Trump atowe barajya he?

Trump ageze ku butegetsi ntawabitekerezaga.Hari ababyishimiye n’abo biteye inkeke.Ariko mu gihugu gikomeye nka Amerika,ntazakora uko abonye nk’umunyagitugu.Abamutoye bamuteze iminsi.

Yaje nk’iya Gatera!

Nta n’umwe wamuhaga amahirwe.Kubera akanwa ke no kutagira icyo atinya,bamwe bari bamugize ruvumwa.Iyo baba nk’Abanyarwanda bari kuvuga ko « aje nk’iya Gatera! »

Abanyamerika babonye undi mugabo n’umuperezida bakeneye!

Abadakunda inzego zibaniga(anti-systèmes)cyangwa abanga kuba ba « Nyamujyiyobijya »,bo babonye rwose Trump ho umuvugizi.

Ni undi mugabo

Muri iki gihugu,aho umukuru wacyo aterwa ishema n’umubano mwiza mu rugo nk’abashakanye, babonye undi mugabo.
Trump amaze gusezerana n’abagore batatu: Ivana Trump(1977-1992),Marla Trump(1993-1999)na Melania Trump(2005)bari kumwe ubungubu.

Kuba Abanyamerika bamuhundagajeho amajwi kandi yaratanye n’abagore be babiri ba mbere(divorces),ntawabura kuvuga ko na yo ari indi myumvire ku myitwarire y’umuperezida bakeneye.

Turagatoye!

Mu bihugu bimwe na bimwe,hari abayobozi bamwishimiye.Twavuga nka Vladmir Poutine w’Uburusiya wari utewe inkeke na Clinton.Hari na Porochenko wa Ukraine kuko na we ari umuperezida w’umumiriyarideri!

Hakaba na Rodrigo Dutertre wa Philippines utaracanaga uwaka na Obama,kimwe na Viktor Orban wa Hongria,udashaka kwakira impunzi z’abayisilamu mu gihugu cye!

Harahagazwe

Muri Afurika ho ntawabura kuvuga ko ba perezida bamwe batangiye kudagadwa bati »Turagatoye! ». Abo ni nka ba Robert Mugabe wa Zimbabwe na Kaguta Museveni wa Uganda.

Na we azakora nk’abandi,imyaka ye ishire,bamusezereho barira cyagwa bishimira ko bamukize.

Kubera kugundira ubutegetsi kwabo ,yigeze kubibasira karahava.Ngo ni abakambwe bakambakambira ku butegetsi, ngo ntateze gukorana na bo,ahubwo azabashyira mu gasho(prison)!

None se koko agiye kuba umucamanza wemararira amahanga? Azabigenza ate?Museveni we yamucyeje asa n’umunnyega,ngo azakorana na we nk’abamusimbuye.

Na we ni nk’abandi

Na we arabizi neza ko Amerika idakeneye umunyagitugu.N’ibindi bihugu na byo kandi byarakangutse,ntibigikangwa na « Ndakomeye ».

Na we azakora nk’abandi,imyaka ye irangire abantu biruhutsa ngo genda uruhuke warakoze cyangwa ngo Imana ishimwe, turagukize!

Abakene bazajya he?

Gutorwa kwe guteye benshi kwibaza.Ese abakene na « Obamacare » si igihe cyo kuva mu nzira? Naho se abimukira(africains & mexicains) n’abatamutoye bazajya he?Abamutoye bo buriya bamuteze iminsi,kandi izasubiza bidatinze.

By P.B

%d blogueurs aiment cette page :