Umutagatifu w’umunsi: MATIYASI INTUMWA, umurinzi w’abubatsi

Matiyasi ni umuntu urangwa n’umutima mwiza no kwitangira abandi atizigamye. Kubera iki?

Yuda Isikariyoti amaze kwiyahura, hakenewe umusimbura kugira ngo umubare w’Intumwa ukomeze kuba cumi n’ebyiri nk’uko Yezu yari yarabiteganije kandi uhwane n’imiryango 12 ya Isiraheli.

Yezu amaze gusubira mu ijuru(Asensiyo),inama y’abantu 120 bayobowe na Petero yarateranye, bahitamo babiri bagomba gutorwamo umwe wiyongera ku Ntumwa 11 zari zisigaye.

Abo babiri ni YOZEFU witwaga BARISABA ndetse wari warahimbwe NTUNGANE(Justus), na MATTHIAS. Nyamara nyuma y’isengesho ni MATTHIAS watorewe uwo mwanya kugira ngo na we abe umuhamya w’Izuka rya Nyagasani(Int 1, 20-26)

Ikibazo kikibazwa ni iki: ko Pawulo na we yatorewe kuba Intumwa nk’uko abyivugira(Rm 1,1; 1Cor1,1…), Matthias ni Intumwa ya 12 cyangwa ni iya 13?

Ntiyaje kuzuza umubare

N’ubwo bimeze gutyo, Mutagatifu Matiyasi ntiyaje kuzuza umubare gusa! Uwo Kiliziya ihimbaza kuri iyi tariki ya 14 Gicurasi,bivugwa ko yashinze Kiliziya yo muri Etiopiya aho yigishije Ivanjili imyaka irenga 33.

Yaguye i Yeruzalemu mu myaka ya 63 cyangwa 81 nyuma ya Yezu. Kimwe n’izindi Ntumwa, yishwe azira ukwemera. Yicishijwe ishoka(hache)ikaba ari yo mpamvu ari UMUVUGIZI w’ABUBATSI(Charpentiers),’ABABAZI(Bouchers).

Matiyasi arangwa n’iki?

Nk’uko izina rye ribisobanura, Matthias ni impine ya Mattathias(Don de Dieu). Ni umuntu urangwa n’umutima mwiza no kwitangira abandi(générosité)kandi agatwarwa cyane(sentimental).

Mu byo akora, yibanda cyane kubikurura umutima we(passion)kandi bimufitiye akamaro(ce qui l’intéresse).Hari ubwo ashobora kugaragaza ubushake buke ariko iyo amaze kumenya neza umuhamagaro we, yitanga atizigamye.

Mwese abamwiyambaza tubifurije umunsi mukuru mwiza. Mutagatifu Matthias, udusabire.

By P.Protogène BUTERA

Umutagatifu w’umunsi: Don Bosco,urugero rw’umwigisha n’umurezi

Mutagatifu Jean Bosco yakundaga urubyiruko,agashyira imbere uburere bushingiye ku bworoherane,ukwizerana n’urukundo.Hari n’ibyo yangaga.

Yavukiye mu rugo rw’abakene ariko agakunda imikino ituma abaturanyi bose bishima(acrobatie…).Yabaye imfubyi akiri muto kuko yabuze se,François,afite imyaka 2 gusa maze akarerwa na nyina,Marguerite wari ukomeye cyane ku mico y’isengesho no gufata neza abashyitsi.

Nyuma y’igihe gihagije abyitegura,yabaye padiri,yitangira cyane urubyiruko rwinshi rwari rubayeho nabi kubera kubura akazi mu mujyi wa Turin(Italia).N’ubwo amikoro yari make,ntawe yasubizaga inyuma yaje amugana.

Uko bagendaga biyongera,ni nako na we yarushagaho kubaka ibigo by’imikino(centres de loisirs)n’iby’imirimo y’amaboko(ateliers)kugira ngo bidagadure kandi bige imyuga izabafasha kwibeshaho.

Yashyize imbere uburere bushingiye ku bworoherane,ukwizerana n’urukundo(éducation par la douceur,la confiance et l’amour).Bose, mu ngabire zinyuranye, bahuzwaga n’isengesho ku buryo urubyiruko rubaho rwishimiye ubuzima,aho guhora rwitotomba(se plaindre).Saint Jean Bosco

Ni muri urwo rwego abahungu yabashigiye ikigo cyitwa « Oratoire » gitegurira bamwe kuba abapadiri(Salésiens de Don Bosco).Naho abakobwa,afatanije na Mutagatifu Marie-Dominique Mazzarello,yabashingiye umuryango w’abihayimana(Congrégation des Filles de Marie-Auxiliatrice)bo kwita kuri bagenzi babo.

Don Bosco wavutse tariki ya 18 Kanama 1815, yitabye Imana tariki ya 31 Mutarama 1888 azize umuniro mwinshi.We utarabashije kumvikana n’Umwepiskopi we ku mikorere ye muri urwo rubyiruko, yakundaga kubwira abamukurikye aya magambo(citations):

« On ne peut fonder le pouvoir sur la menace,on ne peut fonder l’autorité que sur la confiance.  »

« Sans affection, pas de confiance. Sans confiance, pas d’éducaion.  »

« La prévention persuasive demande beaucoup de temps et de disponibilité.  »

« La jeunesse sont la partie la plus délicate et la plus précieuse de la société.  »

« Faites tout ce que vous pouvez. Dieu fera ce que nous ne pouvons pas faire. « 

Kimwe n’abandi batagatifu twibuka uyu munsi ari bo Marcel,Tobias,Marcella na Celian,Mutagatifu Jean Bosco adusabire kandi atere imbaraga abita ku rubyiruko rw’iki gihe.

By Protogène BUTERA

Umutagatifu twibuka: Sainte Cécile,umurinzi w’abaririmbyi n’abacuranzi

Sainte Cécile , abariririmbyi n’abacuranzi baramwizihiza cyane. Ni urugero rw’abahimbaza Imana mu majwi anyuze amatwi. Kuba yarabayeho mu binyejana bya mbere by’ubukristu (200-2030) ntibibuza benshi kumwiyumvamo. Ni yo mpamvu kuri iyi tariki ya 22 Ugushyingo cyangwa ku cyumweru gikurikiyeho babyerekana bataramira muri za kiliziya zitandukanye.

Kuba Mutagatifu Cécile yarakundaga kuririmba, byafashije benshi guhinduka bagarukira Imana, barimo n’umugabo we,Valérien utari uzi Imana na gato. Bitewe n’uko umuziki uhuza indimi zose ukarenga imbibi z’amadini, n’abatemera baramwiyambaza muri iyo ngabire yo kuririmba.

No mu bihugu bigitsikamira uburengazira bw’abari n’abategarugori muri urwo ruhando rwo gufasha abandi guhimbarwa, bakora umunsi mukuru bibuka aya magambo ye:

« Mieux vaut mourir pour être heureux que de vivre pour être misérables. »

Icyo gihe baba basabira  abategetsi batoteza abaturage  bibutsa uko  Sainte Cécile yabwiye Préfet Almachius:

« Tu peux ôter la vie aux vivants, mais tu ne saurais la donner aux morts; tu es un ministre de mort, mais non un ministre de vie.« 

Prière à sainte Cécile

Sainte Cécile, Dieu vous a glorifiée par tant de miracles. La Chrétienté de Jésus Christ vous a nommée patronne de La Musique et des Chants, protectrice des harmonies et des symphonies humaines. Obtenez pour nous la grâce de rester fidèle à Jésus Christ, même à la mort. Amen.

Umunsi mukuru mwiza kuri mwese mumwiyambaza.

By P.Protogène BUTERA